【假日好去處】昂坪360 原來係咁玩！！
放假又係變身導遊時間，今次帶韓國老公去昂坪360一天遊～出發前，可以網上先訂飛，仲可以選到達時間，好正呀，去到差唔多唔洗排隊咁滯，好方便又慳返D時間 ( 絕對是旅遊小tips, 訂飛網址: https://bit.ly/2VmiLyH ) ！！
我地兩個都係第1次坐水晶車廂咋，好刺激，腳底下就係海啦～絕對唔可以錯過呢個photo time，一落車就去松坂壽司麵食鐵板燒e肚仔，拉麵同刺身飯都幾好味！！
第一站就係去The Art Of Chocolate Hong Kong 香港巧克力藝術坊，最近先進駐昂坪市集咋， 巧克力迷一定要朝聖既地方，有個小型巧克力展，勁香勁香巧克力味，原來巧克力係可以做到咁多造型嫁～
我哋仲玩埋巧克力DIY工作坊，可以選一塊自己鐘意既巧克力，再用工作人員比你既食用顏料，一邊食巧克力，一邊幫巧克力油顏色，勁好玩～我地呢隻由白巧克力熊仔，變左彩虹熊仔～～
玩完就可以過對面玩VR啦，好攪笑呀，VR既境都係香港黎，最得意係有棵許願樹係度，可以拋個假橙上棵樹度許願～～呢位韓國遊客係昂坪市集既鋪頭度周圍行，行下行下唔覺時間，差D就 miss左預約好既回程時間。
回程其實唔洗排餐死，我地一早係昂坪市集360 旅遊資訊服務中心預約左回程時間， 到左預約時間就比工作人員睇，唔洗跟龍尾直接入去候車區。俾多個旅遊小tips你哋， 360 旅遊資訊服務中心位置喺VR體驗館附近，記得去預約！
雖然今日天氣唔係陽光普照，都幾大霧微微雨，但黎到昂坪360有驚喜bor，睇到昂坪既另一面，好似活係仙境咁～我地兩個約定下次要行昂坪360纜車行山徑再黎過！！
#np360 #discoverlantau
Search